Back to Top
Fancy-Wedding-Border

වසර දස දහස් ගනනක් පුරාවට සිදුවුනු නෙක අපමන ස්වාභාවික අත්හදා බැලීම් අවසානයේ නිර්මානය වන සරල ප්‍රාථමික තරු අළු සෙලවුමක් පැමින ඇති දුර විස්මිතය. එම දිගු කථාන්දරය හා සැසදෙන විට නිමේශයක් බඳු මිනිස් වර්ගයාගේ සටහනෙහි ඔවුන් අත්පත්කරගත් අපමනක් දෑ අතර "තොරතුරු තාක්ෂනයට" හිමි වන්නේ වඩාත් ගැබුරින් වන සටහන් වීමකි. දුර හා කාලය පිලිබදව වූ මිනිස් සීමාවන් එය දිනෙන් දින වඩාත් සාර්ථකව අවසන් කර දමමින් සිටීම මෙහි වන වඩාත්ම අපූරු සිදුවීමය. බොහෝ මිනිස් නිර්මානිත විෂයන් වසා ගත් "ඇකඩමික්" ආධිපත්‍ය තොරතුරු විෂයට පැමිනෙන්නට නොහැකිවූවා සේම දේශපාලනික ආගමික ආධිපත්‍යයන් වෙතට එය සාර්ථකව අභියෝගකරන්නට සමත්ව ඇත. සමස්තයක් ලෙසට පවසන්නේ නම් බොහෝ විෂයන් අහිමි කරගත් "එය එය විසින්ම " පාලනය කර ගැනීමේ අයිතිය ‍රැකගන්නට හැකිවීම මෙම විෂය මත වන වඩාත්ම දිලිසෙන සලකුන වේ.
මෙවන් විසිතුරු මෙන්ම විස්මිත විෂයක් සමග කටයුතු කරන්නට හැකිවීමම අපූර්ව අවස්ථාවක් ලැබීමකි. මෙම විෂය ආරම්භවන හුදු දෘඩතලයේ සිට මිනිස් වර්ගයා වෙතටවන තීරනාත්මක ආගමික දේශපලනික මෙන්ම ආර්ථික තලයන් දක්වාම විහිද යන්නට එය සමත්ව ඇත. හුදු සරල ගනනයක සිට සමස්ථ මිනිස් වර්ගය වෙතටම එක නිමේශයකින් බලපෑම් කරන්නට හැකි ශක්‍යතාවයක් දක්වා එහි අත්පත්කර ගැනීම් ලබන්නට සමත් වෙනත් විෂයක් වේදෑයි සැක සහිතය.

Pubudu Siriwansa          

Fancy-Wedding-Border
smoll

මද වෙහෙසකර වුවත් ප්‍රබෝධය විසින් ඒ සියල්ල යටපත් කරවන මිනිස් වර්ගයාගේ දත්ත විෂය පිලිබද බහුමානී චාරිකාව අවසන් අදියරට ලංවෙමින් සිටියෙමු. පසුවදනක් ඇරබින. "ඔබ ඒ පසුකරමින් සිටියේ දත්ත මිනිසාගේ අද දක්වා වූ අපූරු කතාන්දරයේ අතිශය කෙටි සංශිප්තයකට පමනී. කැපී පෙනෙන හැරවුම් ලක්ෂ හා මිනිසුන් ගැන එම සටහන සෑම සත්‍යට බොහෝ දුරකට ලංව ඇතැයි මම විස්වාශ කරමි. බොහෝ අපූරත්වයන් පෘතුවිය මතට ගෙන ආ තවත් මිනිසුන් කොටසක් සටහනක් නොතබාම පෘතුවිය හැරගොස් ඇති බව කරුනාකර අමතක නොකරන්න. ඔබ පිවිසෙමින් ඇති භූමිය අපූරු මිනිසුන් බිහිකරන තැනක් නොවේ.සමහර විට ඔබගේ අපූරු බව මද පසුබෑමකට ලක් කරන තැනක්ද විය හැකිය. මෙතැනදී ඔබට ලැබෙනුයේ අතීත දැනුම පමනකි. ඊට අමතරව සුලු අනාගත නිර්මාණශීලීත්වයකට උත්සාහ ගන්නවා ඇත. මෙහිදී ඔබට ලැබෙන සමහර තීර්නාත්මක බුද්ධිකාරනා නිර්මානය කල සමහර මිනිසුන් තම ජීවිතකාලය තුල කවරදාකවත් උසස් අධ්‍යාපන ආයතන තබා ද්විතීක අධ්‍යාපනය ආයතනයකට පවා ගොඩ නොවුවන් බව මා ඔබට මතක්කරදෙන්නේ ඔවුනට අපහාස කරන්නට හෝ ඔබේ මේ පිවිසුම අවතක්සේරු කරනු සදහා නොවේ. දැනුම සමහරවිට මහා කලුගල්සේ ඔබව ඔබව ඇද බැද තබන්නට පෙලබෙනු ඇත. එහෙත් නිර්මානශීලී මිනිසුන් එයින්ම විසල් මුත් සැහැල්ලු අත්ත‍ටු නිර්මානය කොටගෙන අනගතයට නිදහසේ පියබා යති. ඔබත් දෙවන වර්ගයේ මිනිසෙකු වනු දැකීම මගේ පැතුමයි. ස්තුතියි.... මම බීටාව.

පලමු දිනය කෙමෙන් අවසන් වෙමින් තිබුනා. එකිනෙකා හදුනා ගැනීම් තොරතුරු හුවමාරු කරගැනීම් මැද ඉතිරි කාලය ගතව යමින් තිබුනා.ආයතනය මගින් ආපසු අප වෙසෙන පලාත්වලට සපයන ප්‍රවාහන පහසුකම් ලබ ගැනීමට කැමතිනම් ඒසදහා කාලවේලාවන් පිලිබද නිවේදනයන් එකි නෙකා වෙත අදාල පරිදි ටීටාව තුලින් දැනුම් දෙමින් සිටියා.වරක් පියාත් සමග ඔහුගේ පියා බැහැදකින්නට ගියවිටකදී සියා විසින් ලබා දුන් ඇල්බමයක තිබී මහත් උජාරුවෙන් කථා කල ඔවුනගේ පවුලේ වාහන පිලිබද පින්තූර පෙල වෙත මගේ මගේ මතකය දිවගියා. තම පවුලේ ආඩම්බරය මිල අධික වාහනයකට කැටිකර පෙන්වන්නට එකල මිනිසුන් පුරුදුව සිටිබව සියාගේ හැසිරීමෙන් පැහැදිලිව පෙන් එන්නට තිබුනා.මෑතකදී පවුලේ සංවාදයකදී පියා පවසා සිටියේ එපමනක් නොව අධ්‍යාපනය පවා බොහෝ රටවල භාවිතාවූවේ තමන්ගේ ආර්ථික සායම්මාජ තත්ව ආදීවූ සීමා ඉක්මවා යාමට විනා පෝෂනය වන කරුනෙන් කරුනට උත්තේජනය වන මනසේ සෛල ක්‍රියා වලියෙන් තෘප්තිමත් වන්නට හා වඩාත් නිර්මානශීලී වෙමින් එම කරුනු නව රටාවකට පෙලගැස්සීමේදී දැනෙන සතුට විඳගන්නට මිනිසුන් පුරුදුව නොසිටි බවයි.
පාසැල් වියේදී කියවූ ප්‍රබන්ධයක් නම්කර තිබුනේ චින්තන වෛරස නමින්. නව රටාවකට සිතුවිලි පෙලගැසෙනු දු‍ටුවහාම සිත් මතම ක්‍රියාත්මකවන මෙම සතුරු සිතුවිලි ගොනු ජීවියා තම ගොදුරු මනස තුල මහත් අතෘප්තියක් මවමින් අසහනයක් හා අපහසුවක් සමග එම සිතුවිල්ල බිඳදමන්නට කටයුතු කරමින් සිටියා.එම කතුවරයා තම නිර්මානය තුල පවසමින් සිටියේ වසර සිය දහසක් ඔස්සේ මෙම භ්‍යානක සිතුවිලි වයිරසය පෘතුවිය මත මිනිස් වර්ගයාගේ නිර්මානශීලී බවේ ශක්තිය උරා ගනිමින් සිටි බවයි. නිර්මානශීලී නොවිය යුතුබවට බලකරමින් සිටි දේශපාලනික හා ආගමික මතවාද මෙම දරුනු සත්වයාගේ සාර්ථක ගොදුරු බවටයි ඔහු තම නිර්මානය ඔස්සේ යෝජනා කරමින් සිටියේ.බොහෝ කලක් මෙවැනි නිර්මාන එතරම් තේරුමක් නැති විකාරයන් ලෙසට අත්හැර දමා තිබුනද ටීටාවේ ප්‍රාථමික යුගයේදීම මෙවැනි සමහර ග්‍රන්ථ උසස් අධ්‍යාපන ආයතනවල පවා පෙල පොත් තරමට භාවිතයට පැමිනීම අපූරු සිදුවීමක් උනා.
– Siriwansa